Интернэт цацах төхөөрөмжтэй гэрэлтүүлгийг туршиж байна

Сэргээгдэх эрчим хүчний үндэсний төв БНСУ-д үйлдвэрлэсэн сэргээгдэх эрчим хүчээр ажилладаг утасгүй интернэтийн сүлжээний төхөөрөмж бүхий гудамжны гэрэлтүүлгийг туршиж байна. Энэхүү гэрэлтүүлэг нь 300 Вт чадалтай босоо тэнхлэг бүхий салхин турбин, 300 Вт чадалтай нарны цахилгаан үүсгүүр, 12 В 100 А.цаг багтаамжтай цэнэг хураагууртай, 40 Вт чадалтай LED гэрэлтэй бөгөөд 500 метрт интернет цацах төхөөрөмжтэй юм.

Уг гэрэлтүүлэг нь эрчим хүч хэмнэх зориулалт бүхий гэрэлтүүлгийг тохируулах мэдрэгчтэй бөгөөд хүн болон машины хөдөлгөөнийг мэдэрч 10м радиус дотор ойртоход 50 хувиар, 5м радиуст дотор 100 хувийн тодролтойгоор гэрэлтүүлдэг аж. Өдрийн цагт нарны болон салхины энергийг цахилгаан эрчим хүч болгон аккумляторт хуримтлуулах бөгөөд шөнийн цагт салхины эрчим хүч болон аккумляторт хуримтлагдсан эрчим хүчээр гудамж талбайг гэрэлтүүлэх юм. Дуу чимээ багатай генератортой салхин турбин нь бага хурдтай салхинд ч эрчим хүч үйлдвэрлэх боломжтой тул хөл хөдөлгөөн ихтэй гудамж талбай хот суурин газарт тохиромжтой гэж үзэж байгаа юм байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)