СЕХ болон нийслэлийн Сонгуулийн хорооноос  зарим хэсгийн хорооны саналын хуудсанд хяналтын тооллого хийж байна. Тооллогын талаар нийслэлийн Засаг даргын Тамгын газрын Төрийн захиргааны удирдлагын хэлтсийн дарга, нийслэлийн Сонгуулийн хорооны дарга Ү.Ганболд мэдээлэл хийлээ. Тэрээр “Нийслэл нийтдээ УИХ-ын сонгуулийн есөн тойргийн хороо, 451 хэсгийн хороотой. Үүнээс УИХ-ын сонгуулийн санал авах өдөр буюу зургадугаар сарын 24-нд 102 хэсгийн хороонд хяналтын тооллого хийсэн. Энэ нь нийт хэсгийн хороодын 23 хувь болсон. Харин зургадугаар сарын 27-28 буюу өчигдөр, өнөөдөр нийслэлийн сонгуулийн 127 хэсгийн хороонд хяналтын тооллого хийж байна. Ингэснээр нийт хэсгийн хороодын 50 хувьд нь хяналтын тооллого хийж байгаа юм.

Сонгуулийг гардан зохион байгуулсан дүүргийн болон хэсгийн хороодын гишүүд урьдчилсан байдлаар мэдээ, тайлангаа Дүүргүүдийн сонгуулийн хороон дээр нэгтгэж байгаа аж.