"The HU" хамтлагийн "Гэрэг" хандивын тоглолт өнөөдөр 22.00 цагт White Rock Center-т болно. Тоглолтыг МҮОНТ-ээр шууд дамжуулан хүргэх юм.

Тус хамтлагийнхан "COVID-19"-ийн эсрэг амжилттай тэмцэж, ард иргэдээ хамгаалж буй хүмүүст талархан,  иргэн бүр хариуцлагатай байх нь чухал энэ цаг үед урьдчилан сэргийлэх, хамгаалах ажиллагааг сулруулахгүй, сонор сэрэмжээ алдахгүй байхыг монголчууддаа сануулж, уг тоглолтыг зохион байгуулж байгаа аж.

Тоглолт хоёр цаг орчим үргэлжлэх бөгөөд тоглолтын үеэр цугларсан хандивыг COVID-19 халдвараас урьдчилан сэргийлэх үйл ажиллагаанд зориулж УОК-т хандивлах юм.