Өмнөд Солонгос, Австрали, Шинэ Зеландыг цар тахлыг ялсан орнууд хэмээн шинжээчид дүгнэсэн CNBC телевиз мэдээлэв.

Дэлхий даяар халдвар тархалтыг зогсоохоор тэмцэж, улс орнууд хатуу хөл хорионы дэглэмд аж төрж байхад Австрали, Шинэ  Зеланд, Өмнөд Солонгос аажмаар өмнөх амьдралдаа шилжиж байна.

Эдийн засгаа нээж, хязгаарлалтаа цуцласан нь эдгээр орнуудыг хөрөнгө оруулагчдад хамгийн таатай болгон үндэсний мөнгөн тэмдэгтийг нь бэхжүүлж өглөө.

"Шинэ Зеланд, Австрали маш үр дүнтэйгээр COVID-19 цар тахлыг хянаж, өөрсдийн эдийн засгийг  дахин сэргээхэд бэлэн боллоо. Эдийн засгийг сэргээх талаар Америкаас алхам урд яваа нь валютын эргэлтэд эрчимтэйгээр нөлөөлнө” хэмээн Asset Management BK-ний удирдах захирал Кэти Лиен онцолж байна.

Эдгээр орнуудын эдийн засгийн сэргэлт нь тэдний хөрш Хятадын аажмын сэргэлтэд тус дэм болж байна.