Улсын онцгой комисс өнөөдөр хуралджээ. Улмаар дараах шийдвэрүүдийг гаргасан байна.

1. "Амны хаалтаа зүүцгээе" аяныг 2020.05.31 дуустал орон даяар өрнүүлэх,
2. БНСУ руу 2020.04.17-нд тусгай үүргийн нислэг үйлдэхээр төлөвлөсөн ч бэлтгэлээ сайтар хангасны дараа эцэслэн шийдвэрлэх,
3. Амны хаалт зүүх талаар иргэд бие биедээ сануулж, зөвлөдөг байх,
4. Амны хаалтаа зүүж, гараа савандаж угаах, ариутгагч шингэн хэрэглэх талаар долоо хоногт 2-3 удаа дуут сэрэмжлүүлэг, зөвлөмж өгч байх,
5. Олон нийтийн эргүүл, байцаагч нарын тоог нэмэх,
6. Худалдаа, үйлчилгээний газрууд амны хаалтгүй хүнд үйлчлэхгүй байх,
7. Халдварын эрсдэлээс сэргийлэх чиглэлээр иргэдийн ухамсар, соёлыг дээшлүүлэх нь зүйтэй гэж үзжээ.