Ямар байгууллагын албан хаагчдад хандивын хөрөнгөнөөс санхүүгийн дэмжлэг үзүүлэх вэ?
Улсын онцгой комисст хандив өгсөн иргэн, аж ахуйн нэгжүүдийн хандиваас онцгой нөхцөлд ажиллаж буй албан хаагчдад санхүүгийн дэмжлэг үзүүлэх тухай мэдээлэл гарсан. Шадар сайд, Улсын онцгой комиссын дарга Ө.Энхтүвшин өнөөдөр УИХ-ын чуулганы хуралдаанд мэдээлэл хийхдээ энэ талаар дэлгэрнгүй танилцууллаа. Монгол Улсын Шадар сайд, Улсын онцгой комиссын даргын шийдвэрээр өндөр эрсдэлтэй нөхцөлд үүрэг гүйцэтгэж байгаа нийт 14 төрийн байгууллагын 1133 албан хаагчид 500,000-1,000,000 төгрөгийн урамшуулал олгохоор болжээ. Үүнд нийтдээ 631,900,000 сая төгрөгийг Улсын онцгой комисст ард иргэд, аж ахуйн нэгжээс өгсөн хандивын данснаас гаргах юм байна. Дараах байгууллагуудын албан хаагчдад дээрх санхүүгийн дэмжлэгийг үзүүлэх юм байна.
- Халдварт өвчин судлалын үндэсний төв,
- Цэргийн төв эмнэлэг,
- Улсын хоёрдугаар төв эмнэлэг,
- Эрүүл мэндийн хөгжлийн төв,
- Нийслэлийн түргэн тусламжийн төв,
- Зоонозын өвчин судлалын үндэсний төв,
- Мэргэжлийн хяналтын ерөнхий газар,
- Онцгой байдлын ерөнхий газар,
- Хил хамгаалах ерөнхий газар,
- Гаалийн ерөнхий газар,
- Тагнуулын ерөнхий газар,
- Цагдаагийн ерөнхий газар,
- МИАТ-ын захиалгат нислэгүүдэд ажилласан бүрэлдэхүүн,
- Гадаад улс орнууд дахь Монгол Улсын Элчин сайдын яамдын дипломат ажилтнууд.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.