Арабын эвсэл Йеменд байлдааны ажиллагааг зогсоож буйгаа зарлав

Йеменийн "Ансар Аллах" хусист хөдөлгөөний эсрэг байлдааны ажиллагааг зогсоож байгаа тухай Арабын эсвлийн албан ёсны төлөөлөгч хурандаа Турки аль-Малики мэдэгдлээ. 

Гал зогсоох гэрээ орон нутгийн цагаар пүрэв гарагийн 12:00 цагаас эхлэн хоёр долоо хоногийн хугацаанд хүчинтэй байх юм. Коронавируст халдварын дэгдэлтийн улмаас ийм шийдвэрт хүрсэн гэж хурандаа хэлжээ. Гэтэл Йеменд шинэ вирусийн халдвар албан ёсоор бүртгэгдээгүй байна.

Хурандаа аль-Малики гал зогоох гэрээг сунгах магадлалтайг хэлээд НҮБ-ын тусгай төлөөлөгч Мартин Гиффитсийн Йемений засгийн газар, хусистууд ба Арабын цэргийн эвсэлтэй уулзах уулзалтыг явуулахад таатай нөхцөл болно гэжээ. 

Йеменд тав дахь жилдээ хусистууд Ерөнхийлөгч Абд Раббу Мансура Хадийн армитай зэвсэгт тэмцэл өрнүүлж байна. Энэ сөргөлдөөн нь дэлхийд томд тооцогдох хүмүүнлэгийн хямрал үүсгэжээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)