Д.Мөнхжаргал: Гандан орчмын гэр хорооллыг яндангүй, нүхэн жорлонгүй бүс болгоно

Гандантэгчинлэн хийд орчмын гэр хорооллыг хэрхэн өөрчлөх талаар нийслэлийн Агаар, орчны бохирдлын асуудал хариуцсан төслүүдийн удирдагч Д.Мөнхжаргал байр сууриа илэрхийлжээ. Тэрээр “Гандантэгчинлэн хийд орчмын гэр хороолол Баянгол дүүргийн 16 дугаар хороо нь хотын төвд байрладаг, үе шаттайгаар яндангүй хороонд шилжих бүсэд хамаарагддаг онцлогтой хороо. Гандангийн бүс нутаг бол соёлын өвийг хадгалсан жуулчдын төв хэлбэрээр хөгжих ерөнхий төлөвлөлттэй. Энд өндөр орон сууцны төлөвлөлт хийгдээгүй, есөн метрээс өндөр барилга барих боломжгүй. Улс, нийслэлийн төсвөөр төвийн дулаан, бохир, цэвэр ус болон цахилгаан хангамжид холбогдох нилээдгүй ажлууд хийгдэж байна. Тиймээс иргэд тав тухтай орон сууцаа барьж, аялал жуулчлалын бүсийн давуу талыг ашиглан орлоготой байх ч боломжтой. Өнөөдрийн байдлаар дулаан дамжуулах төв болон таван гудамжны инженерийн шугам сүлжээний ажил хийгдсэн. Гандангийн дэнж дөрвөн блокт хуваагдаж байгаа. Эхний буюу Орхоны нэгдүгээр блокийг энэ онд ашиглалтад оруулж, 100 хувь яндангүй дээрээс нь нүхэн жорлонгүй буюу ариун цэврийн байгууламж нь төвийн бохирт холбогдсон байхаар зорьж ажиллаж байна. Гандангийн дэнжийн орчмоос хөрсний шинжилгээ авахад 88 хувийн бохирдолтой гэсэн үнэлгээ гарсан. Тийм учраас утаатай тэнцэхүйц хэмжээний гамшгийн хэмжээнд хүрсэн хөрсний бохирдол үүссэн байна. Энэ жил агаарын чанарыг сайжруулахад иргэдийн оролцоо их чухал байлаа. Тийм учраас яндангүй, нүхэн жорлонгүй бүс болгоход иргэдийн идэвхи санаачлага чухал гэдгийг хэлмээр байна” гэжээ.

Энэ төсөл хэрэгжсэнээр нийт 1300 гаруй айлын инженерийн бүрэн хангамжтай амины орон сууцны хороолол бий болох юм байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (5)

  1. Заа шаалдаа. Энэ балай авгайг дэд бүтэц инженерийн асуудал мэдхээр яаж гандан нүхэн жорлонгүй болох юм бэ

    0 0 Хариу бичих
  2. Өөрсдөө санхүүгийн чадвартай бол аль хэдийн янз бүрээр шийдчих л бх гол нь санхүүгиын асуудал дээр нь маш их өрөнд орж насаараа өртэй явмааргүй бнаа зүгээр л өндөр бшин барихыг зөвшөөрөх хэрэгтэй

    0 0 Хариу бичих
  3. сонгууль болохоор шоудаад 1-2 гудамжиндшугам булаад хаядагаа больж бодит ажил болгомоор бна манай гудамжинд шугам тавиад 5 жил болж бна

    0 0 Хариу бичих
  4. Сонгууль болгоноор л ингэж ярьдаг. Дөжирч байгаа биз дээ.

    0 0 Хариу бичих
  5. Өвөл гадаа гарч даарч жорлон руу ордогыг болиул

    0 0 Хариу бичих