УИХ-ын чуулганы нэгдсэн хуралдаанаар коронавирусийн халдварын үед иргэдийн эрүүл эрүүл мэндийг хамгаалах, орлогыг нэмэгдүүлэх, эдийн засгийг эрчимжүүлэх багц хуулийн төслийг хэлэлцэж байна.
Төсөлд энэ оны хоёр, гуравдугаар сарын орлого, өмнөх оны мөн үетэй харьцуулахад 50 хувь буурсан аж ахуйн нэгжийн ажилчдад гурван сарын турш 200 мянган төгрөг олгох зохицуулалт оруулжээ. Харин УИХ-ын гишүүн Ц.Гарамжав аж ахуйн нэгжүүдийн орлого 30 хувь буурсан бол ажилчдад нь 200 мянган төгрөг олгох санал гаргав. Тэрээр “аж ахуйн нэгжийн орлого 50 хувь буурсан бол сэхэл авахгүй болсон гэсэн үг. 30 хувь буурна гэдэг нэлээд их эрсдэл үүрчихсэн байна гэсэн үг. Тиймээс бид орлого нь 30 хувь буурсан аж ахуйн нэгжийн ажилчдад 200 мянган төгрөг олгох хэрэгтэй. 50 хувь буурсан үед мөнгө өгнө гэдэг бол цонхны цаанаас чихэр долоолгохтой адил” гэсэн юм. Харин санал хураалтаар орлого нь 50 хувь буурсан аж ахуйн нэгжийн ажилчдад 200 мянган төгрөг олгох саналыг хуралдаанд оролцсон гишүүдийн олонх дэмжсэн юм.
