Рио Тинто, “Туркойз хилл ресурс” компанийн хувьцаа эзэмшигчдийн дунд Монголын Оюутолгой уурхайтай холбоотой маргаан гарчээ. АНУ-д төвтэй “Pentwater Capital” хедж сан “Туркойз хилл ресурс”-ын есөн хувийг эзэмшдэг. Энэ сангийн удирдлагууд компанид цөөнх хувьцаа эзэмшигчдийг төлөөлөх шинэ бие даасан захирлыг томилохыг хүссэн байна.
Тус сан Монгол дахь Оюутолгойн ордын гүний уурхайн бүтээн байгуулалтын төслийг буруу удирдаж байна гэж үзэж байгаа тулд шийдвэр гаргах төвшинд дуу хоолойгоо хүргэхээр ийнхүү шаардлага тавьсан юм байна.
“Туркойз хилл ресурс” нь Оюутолгойн ордын 66 хувийг эзэмшдэг юм. Тус компани уурхайн үйл ажиллагаатай холбоотой асуудлыг жижиг хувьцаа эзэмшигчдээс нууцалж, үйл ажиллагааныхаа талаар мэдээлдэггүй зэргээс болж сүүлийн үед ийм асуудал гарч байгаа юм. Өмнө нь жижиг хувьцаа эзэмшигчид яг ийм гомдол гаргаж байсан удаатай юм.
