Шинэ төрлийн коронавирусийн халдварын тархалттай холбогдуулан өнөөдрийн байдлаар 188 улс цэцэрлэг, дунд сургууль болон их сургуулийн үйл ажиллагааг улсын хэмжээнд түр зогсоожээ. Ингэснээр нийт суралцагчдын 89.5 хувь буюу нэг тэрбум 543 сая 446 мянга 152 суралцагч танхимын сургалтад хамрагдах боломжгүй болсон байна.
Мөн зарим улсад хичээл, сургалтын үйл ажиллагааг хэсэгчлэн хааснаар 173 сая 29 мянга 603 хүүхэд, залуучууд хөл хорионд оржээ. Ингээд дэлхийн хэмжээнд нийт 1 тэрбум 716 сая хүүхэд, залуус танхимын сургалтад хамрагдаагүй байна.
