Хонконгийн эрдэмтэд коронавирусийн амьдрах хамгийн таатай нөхцөлийг нэрлэлээ
Шинэ төрлийн коронавирус ямар нөхцөлд тогтвортой байдгийг эрдэмтэд тогтоожээ. Титэмт вирусийн хувьд амьдрах таатай нөхцөл нь цельсийн нэмэх 4 градусын дулаан орчин. Харин 70°С хэмд вирусийн идэвхжил алдагдана. Мөн бүх төрлийн цэвэрлэгээний уусмалаар вирусийг устгах боломжтой тухай Хонконгийн их сургуулийн эрдэмтэд medRxiv.org цахим номын санд нийтэлжээ.
Эрдэмтэд коронавирус төрөл бүрийн нөхцөлд янз бүрийн температурт хэрхэн оршин амьдардаг талаар судалсан аж. Ингэхдээ вирусийн өсвөрийг нэг минутаас 14 хоног хүртэлх хугацаанд янз бүрийн гадарга дээр агаарын өөр өөр хэмд тавиж үзжээ. Эцсийн дүнд нь вирус 4 °С температурт 14 хоног амьдрах чадвартайг тогтоолоо. Тэгвэл 22 °С хэмд вирус долоо хоног амьдарсан ба 37 °С хэмд вирусийн хэсгүүд хоёр дахь өдөр нь алга болсон байна. Урт хугацааны туршилтын дүн ойролцоо гарсныг хэлэх хэрэгтэй байх. Хятадын эрдэмтэд 22 градуст вирус найм, ес эсвэл 11 хоногт ямар байсныг үзэлгүй зөвхөн долоо ба 14 хоногийн дараа л шалгажээ.
Туршилтын хоёр дахь шатанд вирус металл гадаргуу дээр хэр удаан тэсэхийг сорив. Мөн тасалгааны хэмд вирус амны хаалтын гадна ба дотор талд 4-7 хоног амьдрах чадвартайг нотолжээ. Тэгвэл цааснаас вирус гурван цагийн дараа л “хийсч” алга болжээ. Ердийн саван, ахуйн цайруулагч, 70 хувийн этил зэрэг нь бүгд л вирусийг устгах чадалтайг эрдэмтэд хэллээ.