ХӨСҮТ: Тусгаарлалтад байсан Туркийн хоёр иргэнээс CoVid-19 илэрлээ

ХӨСҮТ-ийн захирал Д.Нямхүү "Токио –Улаанбаатарын чиглэлээр онгоцоор ирсэн 25 иргэнээс давтан шинжилгээ хийхэд коронавирус илрээгүй.

Мөн давхар хяналтаар нийслэл болон орон нутгийн эмнэлгүүдээс уушгины хатгалгаагаар өвдсөн тандалтаар 23 хүнд шинжилгээ хийхэд коронавирус илрээгүй.

Тусгаарлалтад байсан Туркийн улсын хоёр иргэний шинжилгээнээс коронавирус илэрлээ. Тэдний ойрын хавьтлын 10 хүнд тандалт шинжилгээ хийж байна. Эдгээр иргэд нь Монгол Улсад суугаа Туркийн ЭСЯ-ны ар гэрийнхэн байсан. Монголд дипломат шугамаар Сөүл-Улаанбаатарын үүргийн онгоцоор ирсэн.

ХӨСҮТ-д одоогоор 221 иргэнийг тусгаарлан хяналт тандалт хийж байна” гэв.