Монголын рок попын уран бүтээлчид, жүжигчид, дуучид, олны танил эрхмүүд дэлхий нийтийг хамран цар тахлын хэмжээнд хүрээнд буй COVID-19 халдварын эсрэг дуу хоолойгоо нэгтгэжээ. Тодруулбал "Freezone" хамтлагийн дуучин Э.Энхтөр ая, шүлгийг нь зохион "Амьдрах эсвэл эс амьдрах" нэртэй шинэхэн уран бүтээлээ клипжүүлэн дэлгэлээ.

Тэрээр энэхүү уран бүтээлдээ коронавирусийн эсрэг олын танил жүжигчин, дуучид, зураач, сэтгүүлч, яруу найрагч, ая зохиогчдыг нэгтгэхийн сацуу ард иргэдийнхээ эрүүл мэндийн төлөө халдвараас урьдчилан сэргийлж ажиллаж байгаа төрийн албан хаагчдын төлөөллийг ч оруулсан байна.