Баянгол дүүргийн 21 дүгээр хороонд одоогоос таван жилийн өмнө 120 хүүхдийн цэцэрлэг барих санаачилга гарчээ. Энэхүү цэцэрлэгийг барих санаачлагыг 2015 онд МҮОНТВ ”Сэтгэлийн үндэс” төслийн хүрээнд эхлүүлжээ. Улмаар 870 сая төгрөгийн хандив цуглуулсан байна. Гэвч энэ мөнгийг Баянгол дүүргийн Засаг дарга хувьдаа завшсан тухай мэдээлэл гарсан. Энэхүү мэдээллийг Баянгол дүүргийн Засаг дарга С.Одонтуяа үгүйсгэлээ.
Баянгол дүүрэгт тус цэцэрлэгийн барилгын ажлыг шилжүүлэх хүсэлтээ илэрхийлжээ. Дуусаагүй барилгын ажлыг шилжүүлэхдээ барилгын ажлын батлагдсан зураг, барилгын үе шатны хяналтын тайлан, далд ажлын акт, мэргэжлийн байгууллагаар хийлгэсэн аудитын дүгнэлт зэргийг үндэслэн хүлээж авдаг байна. Тиймээс Баянгол дүүрэг энэ бүх шаардлагыг хангасны дараа уг цэцэрлэгийн барилгын ажлыг хүлээн авах боломжтой гэдгээ мэдэгджээ.
