"Евро-2020" ирэх жил хүртэл хойшиллоо

Дөрвөн жил тутамд зохион байгуулагддаг Европын аварга шалгаруулах хөлбөмбөгийн тэмцээн ирэх жил хүртэл хойшиллоо. Энэ тухай албан ёсны мэдээллийг Норвегийн Хөлбөмбөгийн холбооноос гаргажээ. Уламжлалт тэмцээн энэ жил зургаадугаар сарын 12-наас долоодугаар сарын 12-ны өдрүүдэд Англи, Шотланд, Ирланд тэргүүтэй орны 12 хотод зохион байгуулагдах байсан юм.

Норвегийн Хөлбөмбөгийн холбооны твиттер хуудсанд "Цар тахлын улмаас UEFA тэмцээнийг 2021 он хүртэл хойшлуулах шийдвэр гаргалаа. Ирэх оны 6-р сарын 11-ээс 7-р сарын 11-нд тэмцээн явагдана" гэжээ.