ХӨСҮТ: Сөүлийн онгоцоор ирсэн 17 хүнийг тусгаарлаад байна

Эрүүл мэндийн яам, Дэлхийн Эрүүл мэндийн байгууллага, ХӨСҮТ-өөс цаг үеийн асуудлаар ээлжит мэдээллээ өглөө.
Шинэ төрлийн коронавирусээс урьдчилан сэргийлэх арга хэмжээний хүрээнд эрүүл мэндийн байгууллагууд өндөржүүлсэн бэлэн байдалд ажиллаж байна. Ялангуяа сүүлийн өдрүүдэд БНСУ-д өвчний тархалт эрс нэмэгдэж буй нь эмч мэргэжилтнүүдийн санааг зовоож байна. Өчигдрийн Сөүл-Улаанбаатарын нислэгээр ирсэн 17 иргэнийг Жаргалантын аманд байрлах сургалтын төвд тусгаарлаж тандалт шинжилгээ хийж байна. Одоогоор эдгээр иргэдийн биеийн байдал хэвийн байгаа ажээ.

Мөн уржигдар ХӨСҮТ-д тусгаарлагдсан зургаан хүний шинжилгээ сөрөг гарчээ. Одоогоор уг төвд найман хүнийг тусгаарлаад байна. 

COVID 19 вирусийн халдвар 50 хоногийн дотор дэлхийн 28 улсад түгэж, зарим улсад голомтлон тархаж байгаа нь цар тахалд хүргэж болзошгүй аюул нүүрлэж байгааг ДЭМБ-аас сэрэмжлүүлж байгаа юм. 

Одоогоор хараахан уг вирусийн эсрэг эм, вакцин гараагүй байгаа үед урьдчилан сэргийлэлт хамгаас чухал. Иймээс иргэд дор бүрнээ хичээж амны хаалт зүүн, гараа тогтмол угаах, гэр орноо ариутгах, аль болох гадуур зорчихгүй байхыг дахин сануулж байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. Хамгийн баруун гар талд суугаа эрэгтэй хүн л сүүлийн үед нэрд гараад бүх зурагтын сувгаар гарах боллоо. Одоо сонгуулиар ямар ч хамаагүй тойрогт дэвшихэд шууд л гарч ирэхээр боллоо. Харж байгаад өөдгүй муу Ц.Нямдоржийн эсвэл, Ж.Батзандан нохойгийн дэвших тойрогт очоод өрсөлдөөд өгвөл тун сайн байна.

    0 0 Хариу бичих
  2. Sorog garsan bol sain bna

    0 0 Хариу бичих