“Шинэ Дели-2020” чөлөөт бөхийн Азийн АШТ-ий сүүлийн өдөр эрэгтэйчүүдийн 61, 74, 86, 92, 125 кг-ын жингийн урьдчилсан болон хагас шигшээ барилдаан болов.  125 кг-ын жинд “Инчёнь-2014” Азийн наадмын хүрэл медальт, 2014 оны Азийн аварга, “Сүлд” спорт хорооны тамирчин ОУХМ Д.Хүдэрбулга алтан медалийн төлөө барилдахаар шалгарав. Тэрбээр шигшээ барилдаанд өнгөрсөн жилийн 23 хүртлэх насны Азийн аварга Казахстаны Юсуп Батырмурзаевтай хүч үзнэ. Харин 74 кг-д “Хангарьд” спорт хорооны тамирчин ОУХМ З.Сумъяабазар, “Хангарьд” спорт хорооны тамирчин ОУХМ М.Цогтгэрэл нар хүрэл медалийн төлөө хүч үзэхээр боллоо. Медалийн төлөөх барилдаан манай цагаар 20:30 минутаас эхэлнэ.