БНСУ-д шинэ коронавирусийн халдварын тохиолдол эрчимтэй нэмэгдэж байгаа. Өнөөдрийн 09.00 цагийн байдлаар 156 хүн халдвар авсан нь тогтоогдож, нэг хүн нас барсан байна.
Өчигдөр Бусан-Улаанбаатарын онгоцоор ирсэн зургаан оюутныг ХӨСҮТ-д тусгаарлан ажиглаж байгаа юм.
Тэгвэл нөгөөдөр буюу энэ ням гаригт БНСУ-аас 100 монгол иргэн эх орондоо ирэхээр МИАТ-ээс онгоцны тасалбар авсан. Тэднийг Улаанбаатарт ирэхэд нь 14 хоног тусгаарлана гэсэн мэдээлэл байгаа юм. Энэ мэдээллийг МИАТ ТӨХК болон Эрүүл мэндийн яам үгүйсгэлээ.
Дашрамд дурдахад, тус улсад ажиллаж, амьдарч буй Монгол Улсын иргэдийн тоо өнгөрсөн оны арванхоёрдугаар сарын 30-ны байдлаар 48185 гэж бүртгэгдсэн юм.
