28 компани ногдол ашиг тараахаар болжээ

Хөрөнгийн биржид бүртгэлтэй компаниуд өнгөрсөн сарын орлогоосоо ногдол ашиг хуваарилах эсэхээ энэ сарын 20-ны дотор мэдэгдэх ёстой байдаг. Энэ дагуу 28 компани нь ногдол ашиг хуваарилах хүсэлтээ гаргасан. байна.  Эдгээр компани нийт 80 тэрбум төгрөгийн ногдол ашиг тараахаар болсон байна. Үүнээс “АПУ” компани хамгийн их ногдол ашиг тараах аж.

Түүнчлэн хоёр компани хувьцаа эзэмшигчдийн хурлаар хэлэлцэх, 64 компани нь ногдол ашиг хуваарилахгүй тухай шийдвэрээ Хөрөнгийн биржид хүргүүлсэн байна. 

Дашрамд дурдахад, Монгол Улсад сүүлийн хоёр жилд хөрөнгийн зах зээл өсөлттэй байгаа юм.  Хоёр жилийн өмнө буюу 2017 оны эхэнд Монгол Улсын хөрөнгийн зах зээлийн нийт үнэлгээ 1.4 их наяд төгрөг байсан бол тус оны арван нэгдүгээр сарын сүүлчээр 2.4 их наяд төгрөгт хүрсэн. Өөрөөр хэлбэл энэ хугацаанд  70 хувийн өсөлт үзүүлсэн байдаг. Ингэснээр 2018 он гарахад нийт үнэлгээ 2.5 их наяд төгрөг давсан. Өөрөөр хэлбэл, тус оны эцэст “Монголын хөрөнгийн бирж” ХК болон “Монголын үнэт цаасны бирж” ХХК-аар дамжуулан нийт 245.4 тэрбум төгрөгийн арилжаа хийгдсэн нь түүхэн дэх хамгийн өндөр дүн бүхий арилжаа болсон юм. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)