Тавантолгой-Зүүнбаян чиглэлийн төмөр замын ажил нэг сараар хойшлохоор болсныг УУХҮ-ийн сайд Д.Сумъяабазар хэллээ.

Шалтгаан нь БНХАУ-д гарсан нэн шинэ төрлийн коронавирусийн дэгдэлтээс сэргийлж, төмөр замын бүтээн байгуулалтыг хойшлуулсан байна. Бүтээн байгуулалтын ажил гуравдугаар сард эхлэх байсан боловч, дөрөвдүгээр сард хүртэл хойшлуулжээ.

Нэмж мэдээлэхэд, “Төрөөс төмөр замын талаар баримтлах бодлого”-д тусгагдсаны дагуу баригдаж буй 414.6 км төмөр замын ажил Дорноговь аймгийн Мандах, Зүүнбаян гэсэн хоёр суманд зэрэг үргэлжилж байгаа юм. “Монголын төмөр зам” ТӨХК-ийн мэдээлснээр замын бүтээн байгуулалтын ажил 40 хувьтай байгаа гэнэ.