Цахим сүлжээнд “COVID-19” буюу шинэ коронавирустэй холбоотой баттай эх сурвалжгүй мэдээ, мэдээллийг санаатай болон санамсаргүй байдлаар тарааж олон нийтэд буруу ойлголт төрүүлэх, өргөн хэрэглээний барааны хомсдол үүсгэх, зохиомлоор үнийн хөөрөгдөл бий болгох тохиолдлууд гарсаар байгаа. Үүнд цагдаагийн байгууллага хяналт тавьж байгаа юм.

Тус байгууллагаас халдварын талаар худал, үндэслэлгүй мэдээлэл тараасан 20 гаруй тохиолдлыг илрүүлэн шалгаж байгаа юм байна. Энэ тохиолдолд Зөрчлийн тухай хуулиар  иргэн аж ахуй нэгжид  2-20 сая хүртэлх төгрөгийн торгууль ногдуулж, хуулийн хариуцлага хүлээлгэх аж.