Нийслэлийн Онцгой байдлын газраас мэдээлснээр энэ даваа гаригаас хойш 11 хүн угаарын хийд хордсон гэх шалтгаанаар Яаралтай тусламжийн төвд ханджээ.
Одоогоор нэг хүүхэд, нэг том хүн эмнэлэгт хэвтэн эмчлүүлж байна. Энэ хугацаанд агаар дахь PM2.5 болон PM10 тоосонцор хүлцэх хэмжээнээс хоёр дахин өссөн бол цас орсны улмаас хэвийн хэмжээнд хүрч буурчээ.
Түүнчлэн БНХАУ-д хөл хорио тогтоосны улмаас шахмал түлшний барьцалдуулагч бодис хомсдолд ороод байгааг Улсын Онцгой комиссын хуралдааны үеэр дурдсан юм. Энэ хүрээнд ОХУ-аас 400 тонн барьцалдуулагч бодис худалдан авахаар болжээ.
