“Boeing 737 Max” нисэх онгоц 2018, 2019 онд хоёр удаа осолдож, нийт 346 хүн амиа алдсан. Үүний дараа уг нисэх онгоцыг өнгөрсөн оны III сараас хойш агаарт хөөрөхийг нь хориглоод байгаа юм.
Тэгвэл, “Boeing” компани “737 Мax” загварын онгоцоороо Канзас хотын нисэх буудалд туршилтын нислэг амжилттай гүйцэтгэсэн гэлээ.
Компани тус нисэх онгоцны программ хангамжийг шинэчилснээс хойш нийт 1,100 удаа 2,100 цагийн туршилтын нислэг үйлдээд байгаа юм. Сүүлд үйлдсэн нислэг нь шинэчлэгдсэн програм хангамжийг өөр цаг агаар, өндөрлөгт туршсанаараа онцлог. АНУ-ын Иргэний агаарын тээврийн удирдлагаас зөвшөөрөл олгох нислэгийн товыг хараахан тогтоогүй байгаа.
