Шинэ титэм вирусээр 48-89 насны хүмүүс амиа алджээ

Шинэ төрлийн титэм вирусийн улмаас амь насаа алдсан хүмүүсийн насны ангиллын талаарх тайланг БНХАУ-ын Эрүүл ахуй, эрүүл мэндийн улсын хороо нийтлэсэн талаар South China Morning Post мэдээлжээ. Тайланд дурдсанаар, шинэ төрлийн титэм вирусийн улмаас амиа алдсан хүмүүс нь 48-89 насны хүмүүс байжээ. 

Ухань хотод вирусийн улмаас нас барсан 17 хүний ес нь чихрийн шижин, зүрх эсвэл Паркинсоны өвчинтэй байсан гэнэ. Амиа алдсан хүмүүсээс найм нь 80 настай, хоёр нь 70 гаруй насны хүмүүс байсан гэнэ. Шинэ төрлийн вирусийн улмаас амиа алдсан хүмүүсийн хамгийн залуу нь 48 настай эмэгтэй байсан бөгөөд тэрбээр өмнө нь зүрхний шигдээс болж байсан, архаг чихрийн шижинтэй байжээ.

"Тархвар судлалын мэдээллээс харахад залуу хүмүүс өвчинд нэг их өртөмтгий биш байна" хэмээн мэдэгдэлд дурдсан байна.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)