МАН-ын бүлэг Н.Номтойбаяр гишүүний асуудлаар яаралтай хуралдана

УИХ-ын чуулганы хуралдаанаас УИХ дахь МАН-ын бүлэг хоёр цагийн завсарлага авлаа. Тодруулбал, тус бүлгийн дарга Д.Тогтохсүрэн цаг үеийн яаралтай хэлэлцэх асуудал байгаа учраас чуулганы үдээс өмнөх хуралдаанаас УИХ дахь МАН-ын бүлэг хоёр цагийн завсарлага авах хүсэлт гаргасан юм.

УИХ-ын дэд дарга Л.Энх-Амгалан Монгол Улсын Эрдэнэсийн сангийн үндсэн сангийн орлого, үндсэн болон гүйлгээ сангийн зарлагын 2020 оны төсвийн тухай УИХ-ын тогтоолын төслийг чуулганаар хэлэлцсэний дараа УИХ дахь МАН-ын бүлэгт хоёр цагийн завсарлага өгөв.

УИХ дахь МАН-ын бүлэг УИХ-ын гишүүн Н.Номтойбаярын бүрэн эрхийг түдгэлзүүлэх асуудлаар яаралтай хуралдах бололтой. Энэ асуудлыг өнөөдөр эцэслэн шийдвэрлэнэ гэдгийг Хууль зүй, дотоод хэргийн сайд Ц.Нямдорж мэдэгдсэн билээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)