Монгол Улсын хил хязгаар нутагт ажиллаж, амьдарч байгаа хилчдийн хүнсний хангамж шинэчлэгдсэн байна. Нийгмийн эрүүл мэндийн үндэсний төвийн хоол судлалын хүрээлэнтэй хамтран хилчний хүнсний хангамжийн хэмжээг өөрчлөх саналыг боловсруулж Засгийн газрын тогтоолоор батлуулжээ. Одоо хилчид байгаль цаг уур, газар зүйн онцлогоос хамаарч I, II, III, IV нормоор хангагдах боллоо.
Хилийн заставт алба хааж байгаа хилчдэд 12 нэр төрлийн хүнсний хангамж олгодог байсныг 25 нэр төрөл болгож нэмэгдүүлж, сонголтын хоолоор үйлчлэх системийг нэвтрүүлж эхэллээ.
