Авлига, албан тушаалын хэргээр ял шийтгүүлсэн хүнийг ИТХ-ын сонгуульд нэр дэвшүүлэхгүй байх саналыг дэмжсэнгүй

УИХ-ын чуулганы хуралдаанаар Аймаг, нийслэл, сум, дүүргийн ИТХ-ын сонгуулийн тухай хуулийн төслийн анхны хэлэлцүүлгийг хийж байна. Хэлэлцүүлгийн үеэр УИХ-ын гишүүд асуулт асууж, үг хэлэв. Гишүүдийн зүгээс аймаг, сумын ИТХ-д давхар сонгогдох боломжгүй болгох, төрийн албан хаагчид наймдугаар сарын 1-нээс өмнө ажлаа хүлээлгэж өгсөн байх зохицуулалтыг тусгах шаардлагатайг хэлж байлаа. Энэ үеэр УИХ-ын гишүүн Х.Нямбаатар “Төсөлд иргэдийн хуралд давхар нэр дэвшихийг хориглосон. Нэгээс илүү тойрогт давхар нэр дэвшсэн бол татгалзах үндэслэл болно гэж төсөлд тусгасан. Бүх сонгуулийн сурталчилгааны хугацааг багасгаж байгаа. УИХ-ын сонгуулийн сурталчилгаа 22 хоног, орон нутгийнх 15 хоног гэж богиносгосон. Нутгийн өөрөө удирдах ёсны удирдлагад нэр дэвшигчид насны хязгаар тавиагүй. Төсөлд сонгуульд нэр дэвших төрийн албан хаагчид дөрөвдүгээр сарын 1-нээс өмнө ажлаа хүлээлгэж өгөх зохицуулалт оруулсан байсан. Үүнийг наймдугаар сарын 1 болгох саналыг ажлын хэсгээс гаргасан ч Байнгын хорооны хуралдаанаар дэмжигдээгүй” гэлээ. Мөн хуулийн төсөлд санал авах өдрөөс 60 хоногийн өмнө шилжилт хөдөлгөөнийг хязгаарлах заалт тусгажээ.

Хуралдаанаар үргэлжлүүлэн зарчмын зөрүүтэй саналын томъёоллуудаар санал хураалт явууллаа. Тухайлбал, авлига, албан тушаалын хэрэг үйлдсэн нь шүүхээр тогтоогдсон бол нэр дэвшүүлэхгүй байх саналыг хуралдаанд оролцсон гишүүдийн 50 хувь нь дэмжсэнгүй. Ингэснээр уг санал дэмжигдээгүйд тооцогдох юм. Харин УИХ-ын гишүүн Т.Аюурсайхан санал хураалтыг хүчингүй болгох горимын санал гаргасан боловч олонх нь дэмжсэнгүй.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (3)

  1. Xuulid zaasnaar yabax yostoi doo. Tuunees xuuli bur deer eldev zuil nemj chimseer baital yu ch bish bolno.

    0 0 Хариу бичих
  2. Дан луйвөрчид байдаг учир өөрсдийгөө өмгөөлдөг юм байх даа.

    1 0 Хариу бичих
  3. Эрүүгийн хуульд ял шиитгэлгүй болсонд тооцдог хугацаа гэж байдаг Хуульд зааснаар л явах ёстой биз дээ

    0 1 Хариу бичих