Их Британийн Ерөнхий сайд Борис Жонсон нэгдсэн вант нэгдүгээр сарын 31-нд Европын холбооноос гарахад бэлэн байна гэж мэдэгдэв. Лхагва гарагт тус улсын парламент Засгийн газрын боловсруулсан “Brexit”-ийн нөхцөлийн тухай хуулийн төслийг баталлаа.

Одоо хуулийн төслийг Хатан хаан II Элизавет албан ёсоор батламжилснаар хүчин төгөлдөр болох юм. Үүний дараа “Brexit”-ийн гэрээг Европын парламент батлах ёстой.

Их Британи Европын Холбооноос нэгдүгээр сарын 31-ний 23:00 цагт гарах ёстой бөгөөд дараа нь шилжилтийн үе эхэлж, талууд худалдааны хэлэлцээ хийх аж.