Долоо дахь парламент отгон чуулганаараа юу хэлэлцэх вэ?

Долоо дахь парламентын отгон чуулган буюу УИХ-ын 2020 оны хаврын ээлжит чуулган дөрөвдүгээр сард нээлтээ хийнэ. Ээлжит чуулган бүрийн төгсгөлд дараагийн чуулганаар хэлэлцэх асуудлын жагсаалтыг баталдаг уламжлалтай. Үүний дагуу хаврын чуулганаар хэлэлцэх асуудлуудыг батлах тогтоолын төслийг УИХ-аар хэлэлцэж байна. Тодруулбал, УИХ-ын Төрийн байгуулалтын байнгын хорооны өнөөдрийн хуралдаанаар “Монгол Улсын Их Хурлын 2020 оны хаврын ээлжит чуулганаар хэлэлцэх асуудлын тухай” УИХ-ын тогтоолын төслийг хэлэлцэн дэмжлээ.

Тогтоолын төслийг Төрийн байгуулалтын байнгын хороо боловсруулсан байна. Хууль санаачлагчдаас урьдчилан санал авахад, Ерөнхийлөгчөөс нэг, УИХ дахь дахь намын бүлэг,  зөвлөл, Байнгын хороод, гишүүдээс давхардсан тоогоор 72, Засгийн газраас 60, нийт 133 хууль, тогтоомжийн санал ирүүлжээ.

Улмаар хаврын чуулганаар 17 хууль, УИХ-ын бусад шийдвэрийн төслийг хэлэлцүүлэхээр төлөвлөсөн байна. Тодруулбал,

  1. Монгол Улсын нэгдсэн төсвийн 2021 оны төсвийн хүрээний мэдэгдэл, 2022-2023 оны төсвийн төсөөллийн тухай хуулийн төсөл;
  2. “Монгол Улсын 2019 оны төсвийн гүйцэтгэл батлах тухай” Улсын Их Хурлын тогтоолын төсөл, Монгол Улсын 2019 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан;
  3. Монгол Улсын эдийн засаг, нийгмийг 2019 онд хөгжүүлэх үндсэн чиглэлийн биелэлт;
  4. “Монгол Улсын эдийн засаг, нийгмийг 2021 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл;
  5. “Алсын хараа 2050”, Монгол Улсын урт хугацааны хөгжлийн үзэл баримтлал” Улсын Их Хурлын тогтоолын төсөл;
  6. Хөгжлийн бодлого, төлөвлөлт түүний удирдлагын тухай хуулийн шинэчилсэн найруулгын төсөл; 
  7. Монгол Улсын Ерөнхийлөгчийн тухай хуулийн шинэчилсэн найруулгын төсөл;
  8. Үндэсний баялгийн сангийн тухай хуулийн төсөл;
  9. Монгол Улсын Их Хурлын тухай хуулийн шинэчилсэн найруулгын төсөл;
  10. Монгол Улсын Их Хурлын чуулганы хуралдааны дэгийн тухай хуулийн шинэчилсэн найруулгын төсөл;
  11. 11/Монгол Улсын Засгийн газрын тухай хуулийн шинэчилсэн найруулгын төсөл;
  12. Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл;
  13. Нийслэлийн эрх зүйн байдлын тухай хуулийн шинэчилсэн найруулгын төсөл;
  14. Хот, тосгоны эрх зүйн байдлын тухай хуулийн шинэчилсэн найруулгын төсөл;
  15. Улс төрийн намын тухай хуулийн шинэчилсэн найруулгын төсөл;
  16. Улс төрийн намын санхүүжилтийн тухай хуулийн төсөл; 
  17. “Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийг товлож, санал авах өдрийг тогтоох” тухай Улсын Их Хурлын тогтоолын төсөл;
  18. Бусад.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)

Жиргээ