Монголын жүдо бөхийн шигшээ багийнхны энэ оны эхний олон улсын тэмцээн удахгүй болно. Тодруулбал, тэд ирэх хёордугаар сарын 8-9-нд Парист болох “Их дуулга” тэмцээнд 21 хүний бүрэлдэхүүнтэйгээр оролцохоор бэлтгэл сургуулилтаа хангаж байгаа.

Багийн бүрэлдэхүүнийг танилцуулвал: Эмэгтэй. 48 кг-ийн жинд дэлхийн аварга М.Уранцэцэг, ОУХМ Г.Наранцэцэг, 52 кг-д Б.Хорлоодой, А.Бадамгарав, 57 кг-д олимпийн мөнгөн медальт, дэлхийн аварга Д.Сумьяа, 63 кг-д ДАШТ-ий хүрэл медальт Б.Мөнгөнчимэг, ОУХМ Б.Ганхайч, 70 кг-д М.Даваасүрэн, -78 кг-д О.Мөнгөнцэцэг.

Эрэгтэй. 60 кг-ийн жинд ОУХМ Л.Өнөбoлд, ДАШТ-ий мөнгөн медальт Д.Амартүвшин, 66 кг-д ОУХМ Г.Хэрлэн, Ё.Басхүү, 73 кг-д ДАШТ-ий хүрэл медальт Г.Одбаяр, ОУХМ Ц.Цогтбаатар, 81 кг-д О.Ууганбаатар, Н.Дагвасүрэн, 90 кг-д Г.Алтанбагана, -100 кг-д ДАШТ-ий хүрэл медальт Л.Отгонбаатар, +100 кг-д олимпийн аварга Н.Түвшинбаяр, ДАШТ-ий хүрэл медальт Ө.Дүүрэнбаяр нар өрсөлдөнө.