Батлан хамгаалах яамны 2020 оны гүйцэтгэлийн төлөвлөгөөний дагуу аймаг, нийслэл, дүүргийн Засаг даргын Тамгын газрын Цэргийн штабын дарга нарын "Дайчилгааны тухай хуулийн хэрэгжилтийг орон нутагт хангах нь" сэдэвт цугларалт Өмнөговь аймагт болж байна. Тус цугларалт нь энэ сарын 15-21-нд үргэлэх ажээ.
Өнгөрсөн 2019 оны цугларалтыг "Орон нутгийн хамгаалалт батлан хамгаалах тогтолцооны тулгуур үндэс болох нь" сэдвээр зохион байгуулж байсан юм. Цугларалтын үеэр орон нутгийн хамгаалалтын удирдлага, төлөвлөлтийн үндсэн баримт бичиг болох "Орон нутгийн хамгаалалтын төлөвлөгөө"-г боловсруулах, хэрэгжилтийг хэрхэн хангах талаар аргачилсан сургалтыг явуулж, нэгдсэн ойлголтод хүрч байв.
Харин энэ удаагийн цугларалтаар 2020 оны үйл ажиллагааныхаа зорилго, зорилтыг тодорхойлж, Цэргийн штабууд ямар ажил, арга хэмжээнд гол анхаарлаа хандуулж ажиллах талаар ярилцахаж, туршлагаа хуваалцах юм байна.
