"Parasite" Оскарт хамгийн олон төрөлд нэр дэвшсэн Өмнөд Солонгос бүтээл боллоо

Өмнөд Солонгосын найруулагч Бон Жүн-О "Parasite" сэтгэл зүйн триллер, драма төрлийн кино одоогийн байдлаар Каннын кино наадмын дээд шагнал, Алтан бөмбөрцөг наадмын шилдэг гадаад хэл дээрх кино зэрэг шагналуудыг хүртээд байна. Мөн өнгөрсөн онд олон улсын кино наадмуудаас хамгийн олон шагнал хүртсэн киногоор тодорсон билээ. 

Тэгвэл 92 дахь Оскарын наадамд тус бүтээл шилдэг кино, шилдэг найруулагч, шилдэг зохиол, шилдэг гадаад хэл дээрх кино, шилдэг эвлүүлэгч, шилдэг продакшн дизайн гэх 6 төрөлд нэр дэвшиж, хамгийн олон төрөлд өрсөлдөх анхны Өмнөд Солонгос бүтээл боллоо. Өнгөрсөн жилийн Оскарын наадамд Өмнөд Солонгосын найруулагч И Чан Дуны "Burning" бүтээл нэр дэвшсэн ч ямар нэгэн шагнал хараахан хүртээгүй. Харин энэ удаад ээлжит ази бүтээл ийн цахиур хагаллаа.

Оскарын наадамд 1962 оноос хойш Өмнөд Солонгос кинонууд өрсөлдөхөөр нэрээ өгч байсан ч 2018 онд "Burning", 2019 онд "Parasite" богино жагсаалтад шалгарч байжээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)