Иран улсын цорын ганц олимпын медальт эмэгтэй тамирчин Кимиа Ализадех Нидерланд руу цагаачиллаа. Кимиа Ализадех эл шийдвэрээ эх оронд нь эмэгтэйчүүд эрх эдэлж чадахгүй байгаатай холбон тайлбарласан байна. Өдгөө 21 настай Кимиа Ализадех нь 2016 онд таеквондогийн төрөлд хүрэл медаль хүртсэнээр Ираны түүхэнд анхны бөгөөд цорын ганц олимпын медальтан болсон билээ.