"Хар хун" гэдэг ойлголт нь гэнэтхэн гарч ирдэг, урьдчилан таамаглах дүгнэхэд хэцүү нөхцөл байдлыг хэлдэг. Мөн хар хунгийн ойрын хамаатан “саарал хун” гэсэн томъёолол байдаг. Энэ нь бараг болж бүтэхгүй, магадлал маш багатай зүйлийг хэлнэ. Гэхдээ тэдгээрийг урьдчилан таамаглах боломжтой. Магадлал бага ч ийм хүчин зүйл дэлхийн зах зээлд ихээхэн нөлөөтэй.
2020 онд гарах магадлалтай 10 “саарал хунгийн” талаар танилцуулья.
1. АНУ капиталын ажиллагаанд хязгаарлалт тавина
Бүгд л худалдааны дайн гэж шуугиад байгаа. Харин Трамп капиталын урсгалыг хязгаарлах алхам хийж магадгүй. Дэлхийн дайны дараа АНУ-д бреттон-вудын системийн хүрээнд хөрөнгийн ажиллагааг хязгаарлаж байсан билээ.
2. Зах зээлүүд урт баяраар хаагдана
Зул сарын баяр ганцхан гэдгийг шинжээчид хэлж байна. Энэ үеэр үнийн савалгаа гарч ирэхийг үгүйсгэх аргагүй.
3. Евро бүсэд инфляци өснө
Ирээдүйд зах зээлд хүчтэй нөлөөлөх үйл явдал Европт гарч байгаа. Цагаачдын өндөр түвшин, орлогын зогсонги байдлаас ядарсан хүн амын сонголт өөрчлөгдөж магадгүй. Ийм нөхцөлд фиксалтийн бодлогыг зөрчих лидерүүд удирдлагад гарч ирэх магадлалтай. Тэр нь ажил хаялт, инфляцийг үүсгэж магадгүй юм.
4. Япон зах зээлд интервенци хийнэ
Японы эдийн засгийн хурд саарч байгаа. Өсөлт нь 2019 онд 1 хувь, 2020 онд 0,3 хувь байна гэж үзэж буй. Хятад, Америкийн худалдааны дайн Японд шууд нөлөөлж байна. Засгийн газар нь фиксалийн дэмжлэг зарласан ба Японы хувьд зах зээлд интервенци хийх ганц зам л үлдэв бололтой. Трампт таалагдахгүй ч Япон энэ талд эрчимтэй хөдөлж магадгүй.
5. Apple Disney-г худалдаж авна
Сүүлийн жилүүдэд Apple компанийн орлого зогсонги талдаа орсон. Гол орлогыг бүрдүүлдэг смартфоны зах зээл өрсөлдөөн ихтэй байна. Тиймээс Apple өөр чиглэлийг сонирхож магадгүй. Стив Жобс Диснейн томоохон хөрөнгө оруулагч байсныг санаарай. Мөн Disney-г толгойлж байсан Боб Айгер Apple-ийн захирлуудын зөвлөлийн гишүүн юм.
6. Холбооны Нөөцийн Систем дижитал валютаар банкуудын мөнгийг хураана
Банкууд сөрөг ханш, санхүү технологийн компаниудаас айх шаардлагагүй болох нь.
7. Hyundai компанитай Tesla хамтран ажиллана
Автын зах зээл дээр цахилгаан машины өсөлт их байна. Европын авто үйлдвэрлэгчид ийм нөхцөлд дасаж зохицохыг хичээж байгаа бол япончууд энэ чиглэлд урагшилжээ. Өрсөлдөгч нараасаа Солонгосын Hyundai хоцорч яваа учир хамтрах түншээ хайж магадгүй. Нөгөө талаасаа Tesla бас асуудал ихтэй байгаа. Тэд хамтарч эхэлбэл аль алинд нь ашигтай тусна.
8. Ойрхи Дорнод дахь Америкийн байгууламжуудад дрон довтолно
Өмнө нь ийм довтолгоог агаараас хамгаалах систем сэргийлдэг байсан. Гэтэл Саудын Арабын нефтийн байгууламжид хийсэн довтолгоо тийм биш гэдгийг харууллаа. Саудын Арабт олон байгууламжууд дроны довтолгоонд өртөх эрсдэлтэй.
9. Виртуаль бодит байдал автомобилийн секторыг мөхөөнө
Хүмүүс нөөцөд хүрэх, ажилтай болох, цэнгээх гэсэн гурван шалтгаанаар жуулчлал хийдэг. Харин орчин цагийн ертөнцөд хүн заавал биеэр тэр бүхнийг мэдрэх шаардлагагүй болж виртуаль боломж өргөжинө.
10. Англи Euro 2020-ын аварга
2018 оны хөлбөмбөгийн ДАШТ-ний хагас шигшээд тоглосон шигшээ баг 2020 оны Европын аварга болох магадлалтай гэж зарим шинжээчид дүгнэв.
