Т.Цэрэнбадралыг Санхүүгийн зохицуулах хорооны гишүүнээр томилохыг дэмжлээ
УИХ-ын Эдийн засгийн байнгын хорооны хуралдаанаар Санхүүгийн зохицуулах хорооны орон тооны гишүүнийг нөхөн томилох тухай асуудлыг хэлэлцлээ. Санхүүгийн зохицуулах хорооны орон тооны гишүүн Д.Баярсайхан тус газрын даргаар томилогдсонтой холбогдуулан Санхүүгийн зохицуулах хорооны эрх зүйн байдлын тухай хуулийн дагуу Эдийн засгийн байнгын хорооноос Т.Цэрэнбадралыг тус хорооны гишүүнд нэрийг дэвшүүлжээ. Байнгын хорооны хуралдаанд оролцсон гишүүдийн олонх нь уг томилгоог дэмжлээ. Үүнтэй холбогдуулан нэр дэвшигч Т.Цэрэнбадралын товч намтрыг танилцуулъя.
Боловсрол:
- 2000 онд МУИС-ийн Олон улсын харилцааны дээд сургуулийг гадаад албаны ажилтан мэргэжлээр төгссөн.
- 2002 онд СЭЗДС-ийг эдийн засагч, нягтлан бодогч мэргэжлээр төгссөн.
- 2010 онд Либерти дээд сургуулийг төрийн удирдлагын магистрын зэрэг хамгаалсан.
- 2014 онд Австралийн үндэсний их сургуулийн бизнесийн удирдлагын магистрын зэрэг хамгаалсан.
Ажилласан байдал:
- 2001-2004 онд Гадаад хэргийн яамны Төрийн захиргааны удирдлагын газрын мэргэжилтэн
- 2004-2007 онд Монгол Упсаас Япон Улсад суугаа Элчин сайдын яаманд атташе
- 2008-2014 онд Санхүүгийн зохицуулах хорооны Үнэт цаасны газарт хянан шалгагч
- 2014-2016 онд Санхүүгийн зохицуулах хорооны орон тооны бус зөвлөх
- 2014-2016 онд Монгол Улсаас Япон Улсад суугаа Элчин сайдын яаманд Олон нийтийн асуудал хариуцсан ажилтан
- 2017-2019 онд Санхүүгийн зохицуулах хорооны Үнэт цаасны газрын дарга, орлогч дарга
- 2019 оны есдүгээр сараас “Тавантолгой төмөр зам" ХХК-ийн Санхүү, хөрөнгө оруулалтын газрын даргаар ажиллаж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.
Зочин 1 сарын өмнө
СЗХ-ны дарга асан Бадраа гэж нэг далчийсан олон үгтэй мангар пацаан яагаа ч үгүй байж МАХН-д элсэж улстөржин мангартаад, тэгснээ болоогүй байгаа хүүхдэд цаад коммунистууд нь хэмжээнээс нь хэтийдсэн алба тушаалд томилон том гомжоом өмсүүлэнгүүт бүүр тэнэгтэж газраас огцом тасран, санхүүгийн асуудалд орсон ББСБ-уудтай ажил хэрэгч, хүн шиг харьцахын оронд 37 оны харгис цагдаа шиг хандан хүнээ байсныхаа төлөөсийг харамсалтайгаар амссан даа. Ямар сайндаа цаад алуурчин нь хүртэл хийсэн хэрэгтээ гэмшихгүй байна гэж шүүх хурал дээрээ өчиж байхав дээ.
0 0 Хариу бичих