Зураач Д.Батхуягийн “Хан хэнтийн өнгө-3” үзэсгэлэн гарч байна
Монголын урчуудын эвлэлийн үзэсгэлэнгийн танхимд 2019 оны арванхоёрдугаар сарын 14-нийг дуустал МУЭ-ийн гишүүн зураач Д.Батхуягийн “Хан хэнтийн өнгө-3” бие даасан үзэсгэлэн гарч байна. Уг үзэсгэлэнд эзэн Чингис хааны түүхэн холбогдолтой, уул усны холбогдолтой 40 гаруй уран бүтээлийг дэлгэжээ.
Зураач Д.Батхуяг нь 1971-1975 онд ДУДС-д ардын зураач Л.Гаваагийн урланд уран зургийн мэргэжлээр суралцаж, 1984-1988 онд УБДС-ийн уран зургийн ангид Ардын зураач Г.Одонгийн урланг төгсөн 1975 оноос одоог хүртэл Хэнтий аймгийн урчуудын холбоонд зураач, тэргүүнээр ажиллан хөдөө орон нутагтаа уран бүтээлээ 40 гаруй жил туурвисаар байна.
Зураачийн уран бүтээлийн онцлог нь уран зургийн аргаар Их хааны түүхэн газар нутаг болон Буриад зон олныхоо аж амьдралыг тусгасан бүтээлүүдийг чадварлагаар дүрслэн үзүүлдэгт оршино.