А.Ягудин: Хангамж сайтай хөлбөмбөгчид, хоккейчид ч яах вэ, бусад спортынхон л хэцүү байна

Уран гулгалтын олимпийн аварга Алексей Ягудин ДДЭА-аас ОХУ-д тулгасан шийтгэлийн талаар байр сууриа илэрхийлжээ. Тэрээр инстаграм хуудсандаа “Өнөөдөр /өчигдөр/ Лозаннд гарсан шийдвэр Оросын спортод том цохилт боллоо. Хангамж сайтай хөлбөмбөг, хоккейн тамирчид үүнийг даваад гарна гэдэгт би итгэлтэй байна. Харин спортын бүсад төрлүүд л хэцүү байна. Допинг хэрэглэж байгаагүй тамирчдын өмнөөс харамсаж байна” гэж тэрээр өгүүлжээ. Шударга ёс зохих байр сууриа эзэлж, цэвэр тамирчид олон улсын тавцанд өрсөлдөх эрх нь нээгдэнэ гэдэгт би бас итгэж байна. Тэдэнд хандаж зөвлөхөд, улсынхаа нэрээр оролцож сүлд дууллаа эгшиглүүлэх боломж гарахгүй байсан ч спортдоо үнэнчээр зүтгэх нь зодог тайлах, тэнгэрийн байдлыг харж суухаас дээр шүү гэж л хэлье дээ. Тэвчиж, найдвараа алдахгүй байхыг бүх тамирчдад хүсье. ДДЭА-ийн хувьд, хавгайруулалгүй, допинг хэрэглэсэн тамирчид, түүнийг хөхиүлэн дэмжсэн албан тушаалтнуудыг л тухайлан шийтгэсэн бол илүү онох байсан юм.

Хойд Америкийн ҮХЛ, Үндэсний хөлбөмбөгийн лиг зэрэг байгууллага ДДЭА-ийн дүрмийг дагадаггүй, гэсэн ч хамгийн амжилттай, ашигтай спортын байгууллага болж чадсан. Шаардлагатай бол тэд хараат бус мөрдлөг явуулдаг.

ОУОХ, Бусад олон улсын спорт холбоодууд хаашаа хараад байна вэ. Норвегийн астматай тамирчид, Лэнс Армстронг, Майкл Фелпс, АНУ-ын гимнастикийн шигшээ багийг сана. Цаана нь маш нарийн учир байгаа гэдэгт би итгэлтэй байна. Гэсэн ч бид бүхнээс хүчтэй хэвээр, энэ бүхнийг тэсээд гарах болно. Бид энэ дайнд ялж чаддаг. Энэ дайнд ч ялна, ягаад гэвэл бид оросууд” хэмээн бичсэн байна.

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (4)

  1. Энэ допинг гэгчтэй тэмцдэг олон улсын ч, Монголын ч байгууллагуудын шийдвэрийг хархаар ой гутах юм. Чухамдаа энэ ОУОХ, ДДЭА гэх байгууллагууд чинь авилгын, улс төрийн байгууллага болчихсон юм биш үү?

    0 0 Хариу бичих
  2. оросууд ялнаа та нар чадна

    0 0 Хариу бичих
  3. ОРОСууд бол ОРОСууд. Барууны улсууд спортыг 100 гаруй жил улс төржүүллээ

    0 0 Хариу бичих
  4. Яаая гоё хэлжээ.Нээрээ л оросууд ялна

    1 0 Хариу бичих