Б.Болороо Европын холбооны шагнал хүртлээ

Нийгмийн хамгаалал, хөдөлмөрийн яамны ажилтан Б.Болороо Европын холбооноос олгодог "Хөгжлийн бэрхшээлтэй хүний эрхийн төлөө тэмцэгч" хэмээх нэр хүндтэй шагнал хүртлээ.

Энэ тухайгаа тэрбээр өөрийн цахим хуудаснаа мэдээлж, сэтгэгдлээ хуваалцсаныг хүргэе. Тэрбээр "Болороо нь Олон Улсын Хүний эрхийн өдрийг тохиолдуулан Европын холбооноос /тус холбоонд байдаг элчин сайдуудын саналаар/ Хөгжлийн бэрхшээлтэй хүний эрхийг олон нийтэд таниулж, дуу хоолойгоо өргөн эрх тэгш нийгэм бий болгоход хувь нэмрээ оруулсан гэж өргөмжлөл, цом гардаж авлаа. Энэхүү шагналыг энэ жилээс эхлэн уламжлал болгон өгөхөөр болсон бөгөөд анхдагч болсондоо баяртай байна. Ийм сайхан мөчийг минь тэр минь харсан бол гэж бодон хоолой зангирч байлаа. Үнэхээр том хариуцлага, итгэлийг цаашид үүрч явах боллоо. Итгэл хүлээлгэсэн, дэмжсэн ЭСЯ-ууддаа, ЕВРОПЫН ХОЛБОО-ныхонд маш их баярлалаа. Хань ижлээ алдаад удаагүй байгаа хүндхэн үе минь таарсан учраас 12 дугаар сарын 05-ны өдөр энэ шагналыг авах болсноо мэдээд авахгүй гэж татгалзсан ч зохион байгуулагч талаас бүх зүйл эцэслэгдсэн гэж хэлсэн учраас өнөөдөр очиж авлаа. Миний хувьд энэ салбарт ажилласан жил минь бага ч намайг Хөгжлийн бэрхшээлтэй иргэдийн асуудлыг нийгэмд таниулсан гэж үзэн шагнаж байгаад талархаж байна. Үүний зэрэгцээ хийж бүтээсэн зүйлгүй, залуу хүнд олголоо гэж шүүмжлэх хүмүүс олон байх. Бас зарим нь нас барсан нөхрөөрөө шоудаж (ингэж зэмлэн шүүмжилж байгаа хүмүүс олон байгаа) байж энэ шагналыг авлаа гэж бухимдах байх. Гэхдээ энэ шагнал бол анх л цахим сүлжээнд бичлэг оруулж гарч ирэх үедээ Хөгжлийн бэрхшээлтэй иргэдийг ялгаварлан гадуурхдаггүй, хамтдаа нийгэмшдэг тийм орчин бүрдүүлэх туйлын хүсэл зорилгод минь ташуур болж өглөө гэж бодон хувьдаа өөрөө баярлан хүлээж авч байна. Зарим нэг нь намайг яаманд ажиллаж байгаа учраас бусдыгаа манлайлж байгаа мэт харагдаж байгаа гэж үнэлж дүгнэдэг юм билээ. Яг үнэнийг хэлэхэд яаманд ажилласнаараа манлайлаад байгаа зүйл алга харин ч төрийн албан хаагч гээд хэлэх үг, үзэл бодлоо чөлөөтэй илэрхийлэх боломж маань хязгаарлагдсан. Бодлого тодорхойлох яаманд нь орж ажиллаад 3 жил болж байгаа ч одоог хүртэл гэрээт (хугацаагүй гэрээт) ажилтнаар явж байгаа бөгөөд энэ жилээс л хууль эрх зүй, бодлогын баримт бичигт санал өгч ажиллаж эхэлж байна. Цаашид эрхийнхээ төлөө тууштай дуугарч явах хүсэлтэй хүн төрийн албанд ажиллах нь хэр зохистой бол гэж бодогддог л юм. Өөрөө бие эрхтний ялгаатай байдлаасаа болж нийгмээс тусгаарлагдан ялгаварлан гадуурхалтад өдөр тутамдаа өртдөг байсан учраас Монголд яг над шиг олон олон Болороо нийгэмд оролцож чадахгүй үлдэх вий гэж айдаг учраас л үзэл бодлоо илэрхийлэн гарч ирсэн юм. Тэрнээс биш би өөр шигээ хүмүүсийн нэрийг барьж мөнгө олж, шоудаж яваагүй, тэгэхчгүй гэдгээ л ам бардам хэлье. Энэ шагнал Болороо гэдэг хүнийг өсгөж өндийлгөсөн ээжийн маань шагнал юм шүү. Хамтдаа зүтгэж яваа хамтрагч нөхдөдөө баярлалаа. Та бүхнийг хүндэтгэсэн Буянжаргалын Болороо" гэжээ.

 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (9)

  1. Болороо миний дүү үнэхээр мундаг шүү.Өөрийг тань үнэлж шагнал өгсөнд талархаж бн. Улам их амжилт хүсэе. Чи чаднаа. Миний дүүгийн хүсэл биелэх болтугай.

    0 0 Хариу бичих
  2. Mundag emerteid bayar hurgie Gadnii baiguullaga gavya zutgel uhaaniig chin olj harjee hatuujltai bgaarai

    0 0 Хариу бичих
  3. Ухаан гэж биширмээр юм аа. Бүү зогс. Олон хүн харж, сонсож байгаа шүү

    0 0 Хариу бичих
  4. BAYAR HURGIE AJILD CHINE AMJILT ERUUL ENHIIG HUSIE

    0 0 Хариу бичих
  5. МУНДАГ БҮСГҮЙ АМЖИЛТ ХҮСЬЕ

    0 0 Хариу бичих
  6. Мундаг бүсгүй шүү. Энэ нийгэмд,хөгжлийн бэрхшээлтэй хүмүүсийн дуу хоолой болон дуугарч,ихийг бүтээж,илүүг тунгаан шантралгүй, няцалгүй зоригтойгоор зорилгоо биелүүлэхийн төлөө ажиллаарай. Амжилт хүсэе.

    0 0 Хариу бичих
  7. Gadniihan mongoliig bainga harj bdgiin jishee teneg 76 yu ch meddeggvi gej bodoj bdag bh da boloroo amjilt

    3 0 Хариу бичих
  8. Сайхан охинд баяр хүргье

    1 0 Хариу бичих
  9. boloroo mundag shu uragshaa

    1 0 Хариу бичих