ОХУ, Украинаас "Ертөнцийн мисс"-т оролцох бүсгүйчүүдийн визийг саатуулжээ
-
- Х.Батсайхан
- 2019-12-09 16:23:00
- 0
Алина Санько.
“Ертөнцийн мисс” шалгаруулалтын тэргүүн миссээр ӨАБНУ-ын иргэн 26 настай Зозибини Тунци тодорлоо. Шалгаруулалтын албан ёсны цахим хуудаст энэ талаар мэдээлжээ. Зозибини Тунци нь хүчирхийлэл болон хүйсээр ялгаварлан гадуурхах үзлийн эсрэг тэмцдэг нэгэн аж. Тэрээр нутгийн уугуул үндэстэн бөгөөд тосгоноос Кейптаунд шилжин ирж оюутан болсноор өнөөдрийн амжилтынхаа замыг нээжээ.
Шагнал гардуулах ажиллагаа өчигдөр явагдсан байна. Хоёрдугаар байрт Пуэрто Рикогийн иргэн, 24 настай Мэдисон Андерсон, гуравдугаарт Мексикийн иргэн 25 настай София Арагон нар оржээ.
.jpg)
ОХУ энэ удаагийн шалгаруулалтад төлөөллөө оролцуулаагүй аж. Оролцуулаагүй ч гэж, үндэсний ялагч Алина Санькод АНУ-ын ЭСЯ виз гаргаж өгөхдөө хойрго хандаж, хугацаа хэтрүүлсэн юм байна. Мөн Украины мисс Анастасия Субботад Киев дэх АНУ-ын ЭСЯ виз өгөхөөс татгалзжээ. Өнгөрсөн жил энэ наадмын тэргүүн миссээр Филиппины Кэтриона Грэй тодорч байв.
Анастасия Суббота.