"Хархорин 2019" мөсний фестивал цомын эзнээ тодрууллаа

Монгол экспедишн ХХК /Eрөнхий зохион байгуулагч/, Монголын Уулчдын үндэсний холбоо, БОАЖЯ, Өвөрхангай аймгийн засаг даргын тамгын газартай хамтран Мөсөнд авиралтын спортыг таниулах, хөгжүүлэх, түгээн дэлгэрүүлэх, мөн өвлийн аялал жуулчлалыг дэмжих зорилготойгоор "Хархорин 2019" мөсний фестивалийг 2019 оны арванхоёрдугаар сарын 7, 8-ны өдрүүдэд Өвөрхангай аймгийн Бат-Өлзий сумын нутагт байрлах Улаан цутгалангийн хүрхрээнд амжилттай зохион байгууллаа.

Энэ жилийн фестивалийн нэг онцлог нь Mongolia Expeditions &X-Team-ийн залуус өдөр шөнөгүй ажиллаж хүрхрээны дотор дахин хүрхрээ барьж үндсэн замын баруун талд 24 метр өндөр шинэ зам цутгаж хөлдөөсөн явдал байв. Тус тэмцээний мэргэжлийн ангилалд хурд ба техник, сонирхогчдын ангилалд хурд гэсэн төрлөөр зохион байгуулагдаж, аваргаа тодруулжээ.

Уулын спортын ууган мастер Я.Жанцангийн нэрэмжит “Сутайн бор” клубын тамирчин ОУХМ Н.Хэрлэн, "Хайрхан аялагч" клубын тамирчин спортын мастер Б.Дэнсмаа нар тус тус KARAKORUM-2019 эрэгтэй эмэгтэй цомын эздээр шалгарав.

Уг тэмцээний нэг сайхан чимэг нь сонирхогчдын тэмцээн байсан ба үүнд Өвөрхангай аймгийн Бат-Өлзийт сумын 1,2,3 дугаар багийн иргэд маш идэвхтэй оролцож, гал гарсан өрсөлдөөнийг үзүүлэн, үзэгчид болон хөгжөөн дэмжигчдийн сэтгэлийг ихэд хөдөлгөсөнийг онцолмоор байна.

Тэмцээнийг зохион байгуулсан Mongolia Expedtions, хамтран зохион байгуулсан МУҮХ шүүгчдийн баг бүрэлдэхүүн, оролцсон нийт баг,тамирчид, та бүхэндээ талархал илэрхийлж цаашдын спортын өндөр амжилт хүсье.


 

 

 

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)