Гэрэл зураг: ВВС
Норвег улсын иргэн Борге Усланд, ӨАБНУ-ын иргэн Майк Хорн нарын Хойт туйлд явганаар хүрэх уртын урт аялал амжилттай өндөрлөжээ. Аялагчдын хоол хүнс дууссан ч Норвегиос хангамж авчруулсны хүчээр аяллаа амжилттай дуусгажээ.
Тэдний аялал өнгөрсөн есдүгээр сарын сүүлээр эхэлсэн. Улмаар туйлын бүсээр явганаар 1800 км туулж зорьсон газраа хүрчээ. Тэд туйлд зүгээр ч нэг оччихоогүй, сүүлийн үед эрчимтэй явагдаж байгаа туйлын мөс хайлах үзэгдлийг шинжлэх зорилготой явсан байна. Тэдний аялал уг нь арваннэгдүгээр сард дуусах ёстой байсан ч Арктикаас тасарсан 315 тэрбум тонн жинтэй аварга мөсөн уулнаас болж чиглэлээ бага зэрэг өөрчилснөөс хугацаа нь сунжирчээ.
Аялагчид туйлын хатуу ширүүн уур амьсгалд хоногийн агаарын температур +2-оос 40 хэмд хэлбэлзсэн нөхцөлд гурван сар гаруйн хугацааг өнгөрөөж зорьсон хэргээ бүтээжээ.
