Монголын сэтгүүлчдийн нэгдсэн эвлэлээс мэргэжлийн сэтгүүл зүйн үнэлэмжийг дээшлүүлэх, 2019 оны амжилт, бүтээлээ дүгнэж, шилдгүүдийг шалгаруулан алдаршуулах “Ган үзэг-2019” оны тэргүүн наадмыг өчигдөр “Crocus event hall”-д зохион байгууллаа.

Хэвлэл мэдээллийн салбарын оны шилдгийн шилдгүүдийг шалгаруулах "Ган үзэг-2019" наадмаас Монголын медиа корпорацын хамт олон "Ган үзэг" цом хүртлээ. Тодруулбал, Монголын сэтгүүл зүйн салбарын 2019 оны "Телевизийн шилдэг бүтээл"-ээр Eagle news телевизийн “Бүрэн зураглал” хөтөлбөр шалгарлаа.

Наадмын шүүгчид "Монголын медиа корпорацийн Eagle news телевиз “Бүрэн зураглал” хөтөлбөрийн “Мандухай сэцэн хатан” киноны 30 жилийн ойн хүрээнд бэлтгэсэн дугаарыг оны шилдэг бүтээлд зүй ёсоор нэрлэж байна. Тухайн үеийн нийгэмд тэсрэлт болсон энэхүү уран бүтээлийг 30 жилийн дараах үзэгчдэд сануулж, кино бүтсэн түүх, цаг үеийн зураглалыг бүрэн илэрхийлсэн онцгой контент байж чадлаа" хэмээн онцолсон.

Эргэн сануулахад, өнгөрсөн жил энэхүү наадмаас Eagle News телевизийн сэтгүүлч Б.Батцэцэг “Бодит байдал” нэвтрүүлгээрээ "Телевизийн шилдэг бүтээл"-ийн эзэн болж "Ган үзэг" цом гардсан билээ.

“ГАН ҮЗЭГ-2018” СЭТГҮҮЛ ЗҮЙН ОНЫ ТЭРГҮҮН НААДМЫН ШИЛДГҮҮД

Шилдэг хэвлэл мэдээллийн байгууллага

Шилдэг телевиз – 25 дугаар суваг телевиз Шилдэг радио – MNB Монголын дуу хоолой Шилдэг сонин – “Өнөөдөр“ сонин Шилдэг сайт – LIVETV.MN Шилдэг сэтгүүл – “Гэрэг” сэтгүүл

Шилдэг бүтээл

Телевизийн шилдэг бүтээл – “Ийгл ньюс” телевиз /“Бүрэн зураглал хөтөлбөр” нэвтрүүлэг/ Радиогийн шилдэг бүтээл – Эрүүл мэндийн радио фм-104 радио /“Эмчийн өрөө” хөтөлбөр/ Сонины шилдэг бүтээл – Х.Уянга /”Өнөөдөр” сонин, “Дулдуйтын Равжаа дуулж явсан нутаг луйварчдын өгөөш болж байна” цуврал сурвалжилга, нийтлэл/ Сайтын шилдэг бүтээл –MONTSAME.MN Б.Алтанхуяг /“Хилийн зурвасыг цаг хугацаанаас нь ангид тольдохуй” цуврал тэмдэглэл/

Сэтгүүлийн шилдэг бүтээл – BUSINESS.MN сэтгүүл

Шилдэг редактор

Телевизийн шилдэг редактор - П.Алтанцэцэг - МҮОНТ Радиогийн шилдэг редактор – О.Цэнд-Аюуш /МҮОНР/ Сонины шилдэг редактор – П.Хашчулуун /"Өдрийн сонин” сонин/ Сэтгүүлийн шилдэг редактор – Ц.Оюунчимэг - Зиндаа сэтгүүл  Мэдээллийн сайтын шилдэг редактор – Н.Пунцагболд - ZALUU.COM Хэвлэл мэдээлэл, сэтгүүлзүйн салбарын шилдэг менежер – С.Насанжаргал /ТВ6 телевиз/

Шилдэг сэтгүүлч

Телевизийн шилдэг сэтгүүлч – Ч.Доржбат /TВ-5/ Радиогийн шилдэг сэтгүүлч – Н.Амарсанаа /Гэр бүлийн радио 104.5/ Сонины шилдэг сэтгүүлч – Ч.Үл-Олдох /"Зууны мэдээ" сонин"/ Сэтгүүлийн шилдэг сэтгүүлч – Л.Номин-Эрдэнэ /Гранд сэтгүүл/ Мэдээллийн сайтын шилдэг сэтгүүлч –С.Гандөл /24tsag.mn/ Гэрэл зургийн шилдэг сэтгүүлч –Намсрайжавын Сүхбат Шилдэг судлаач – МУСГЗ Л.Норовсүрэн

Орон нутгийн шилдгүүд

Орон нутгийн шилдэг телевиз – Хас телевиз /Өвөрхангай аймаг/ Орон нутгийн шилдэг радио – Бизнес радио 106.5 Хос төв нэгдэл /Дархан-Уул аймаг/ Орон нутгийн шилдэг сонин – Дундговийн амьдрал сонин /Дундговь аймаг /  Орон нутгийн шилдэг сайт – ETZONE.MN /Орхон аймаг

Орон нутгийн шилдэг сэтгүүл – Х.Эрдэнэбулган Dornogovipost.mn /Дорноговь аймаг/