Зул сар, шинэ жилийг бодогдуулдаг дэлхийн шилдэг бүтээлийн нэг И. Штраус "Сарьсан багваахай" дуурийг өнөөдөр 17.00 цагт Дуурь, бүжгийн эрмийн театрын тайзнаа тоглоно.

Австрийн хөгжмийн зохиолч Иохан Штраусын “Сарьсан багваахай” оперетта нь анх Австри улсын Вена хотноо 1874 онд тоглогдож байжээ. Энэхүү оператта нь өнөөг хүртэл Венийн хошин дуурийн оргил хэмээн тооцогдож байна.  Монголын сонгодог урлагийн тайзнаа  анх 2009 оны зургадугаар сарын 19-ны өдөр тоглож байв. Тус оператта нь дуурийн урлагийн хөнгөн төрөл бөгөөд зохиолын хувьд сонирхолтой, үзэгчдэд хялбар хүрч ойлгогддог учраас бусад дууриас онцлог юм. Энд XIX үеийн нэгэн гэр бүлийн амьдралыг харуулдаг ба эхнэр нь нөхрөө хуурч нууц амрагтай болж, эцэст нь хууран мэхлэлт илэрдэг тухай өгүүлдэг.

Өдгөө арван жил манай театрын тайзнаа эгшиглэж буй хошин дуурийн гол дүрд Габриел Айзенштайн М.Даваадорж, Розалинда Айзенштайны эхнэр  С.Мөнгөнцэцэг, Франк шоронгийн дарга  Л.Бүүвэйбаатар, Орловский ханхүү Ц.Арюнаа, Альфред Орловскийн дууны багш Б.Мөнхбаяр, Фалк /шонхор/ нотариат  л.Болдцэрэн, Адель Розалиндагийн зарц  Б.Одонзаяа  нар тоглох нь ээ.