Д.Сарангэрэл: -Д.Сарангэрлийг дэмжиж байгаагаа илэрхийлж байна. Энэ бол зөв тогтолцоо. Гэхдээ Үндсэн хуулиа зөрчсөн байх ёсгүй. Эмэгтэйчүүдийн квотыг нэмэх ёстой. Би эрчүүдийг хүндэлдэг. Өнгөрсөн хугацаанд эрчүүд улс орныг удирдлаа. Тэглээ гээд сайжирсан зүйл алга. Тиймээс эмэгтэйчүүдийн квотыг нэмэх нь зөв. Би өөрийгөө хамааруулж байгаа юм биш. Би өөрийн гэсэн тойрогтой. Өөртөө итгэлтэй байгаа. Харин бусад чадварлаг эмэгтэйчүүдэд боломж олгох ёстой. Эмэгтэйчүүд олдохгүй байна. Тиймээс 20 байхад болно гэдэг ойлголтоо болих хэрэгтэй. Эмэгтэйчүүдийн квотыг 30 хувьд хүргэхгүй бол НАМЭХ эсэргүүцлийн арга хэмжээ зохион байгуулах болно гэдгийг анхааруулъя.

Л.Энх-Амгалан: -Улс төрийн намууд 20-иос доошгүй хувьд нь эмэгтэй хүнийг заавал нэр дэвшүүлэх ёстой гэдгийг зааж өгч байгаа. Дэлхийн банкны хийсэн судалгаагаар эмэгтэйчүүддээ боломж олговол улс орны ДНБ-ий хэмжээ нэмэгддэг юм байна. Ирэх сонгуулиар УИХ дахь эмэгтэйчүүдийн төлөөлөл битгий буураасай гэж хүсэж байгаа. Өмнөх парламентдууд одоогийнх шиг олон эмэгтэй байгаагүй.