Бельгийн Брюссель хотноо Олон улсын тогтвортой шинжлэх ухаан технологи, инновацын 3-р хурал эхэлжээ. Энэхүү хурлыг анх 2017 онд зохион байгуулсан юм байна. Энэ удаагийн хурал эрүүл мэнд, далай тэнгис, эрчим хүч, орчил эдийн засаг, ус болон хүчилтөрөгчийн давхар ислийн ашиглалт зэрэг тусгай сэдэвт зургаан хөтөлбөрийг хэлэлцэхээр төлөвлөжээ. Гурван хоног үргэлжлэх тус хуралд, олон улсын шинжлэх ухаан технологийн салбарын мэргэжилтэн судлаачид оролцож байгаа бөгөөд НҮБ-ын 2030 он хүртэлх тогтвортой хөгжлийн үйл явцад анхаарал хандуулж, түүний хөгжилд арга бодлого дэвшүүлэх юм байна.