Элчин сайд Трампын тушаалаар Украинд дарамт үзүүлснээ хүлээн зөвшөөрлөө

Ерөнхийлөгч Дональд Трампад итгэл үзүүлэх эсэх асуудлыг шийдэх учиртай мөрдөн байцаалт АНУ-д үргэлжилсээр байна. Түүнийг ирэх сонгуульд өөрийн болзошгүй өрсөлдөгч Жо Байденыг замаасаа зайлуулахын тулд Украинд улсад дарамт үзүүлж, тусламжийн мөнгийг саатуулсан эсэхийг магадлах ажиллагаа явагдаж байгаа юм. АНУ-ын өндөр эрэмбийн дипломатч, АНУ-аас Европын холбоонд суух Элчин сайд Гордон Сондлэнд өчигдөр өгсөн мэдүүлэгтээ Д.Трампын тушаалын дагуу Украинд улсад шахалт үзүүлж, Жо Байдены хүүтэй холбоотой асуудалд анхаарлаа хандуулахыг шаардсан нь үнэн гэж мэдүүлжээ. Тэрээр тушаалыг Д.Трампын хувийн өмгөөлөгч Руди Жулианигаас авсан гэсэн байна. Зааврын дагуу тэрээр Украины Ерөнхийлөгч В.Зеленскийтэй уулзаж, Жо Байдены хүүгийн ажиллаж байсан компанитай холбоотой авлига хээл хахуулийн хэрэг байгаа гэдгийг олон нийтэд нээлттэй мэдээлэхийг шаардсан аж.

Г.Сондлэндийн мэдүүлэг Д.Трампыг Украинд шахалт үзүүлсэн гэдгийг ийнхүү баталлаа. Сонгуулийн үйл ажиллагаанд гаднаас тусламж авахыг Нэгдсэн улсад хуулиар хориглодог юм.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)