АНУ-д айх юм нэгээр нэмэгдсэн хийгээд энэ нь тоглоомын хувь заяаг бүхэлд нь шийдэж болох юм гэсэн утгатай нийтлэлийг Жозеф Третвик бичиж “War zone” сэтгүүлд хэвлүүлжээ. Нийтлэлд БНХАУ-ын шинээр бүтээсэн H-6 бөмбөгдөгч онгоцны талаар өгүүлсэн байна.
Шинэ онгоц нь хэдэн ширхэг үйлдвэрлэгдсэн нь одоогоор тодорхойгүй. Гэхдээ цөөхөн хувь байгаа гэж таамаглаж байгаа аж. Энэ онгоц дотроо ганцхан ширхэг маш том пуужин /DF-21D/ тээж явах зориулалттай бөгөөд нисэх онгоц тээгч хөлөг онгоцны эсрэг ашиглах зориулалттай.
DF-21D /Dong Feng-21/
Пуужин тээгч нисэх онгоцны өөр нэг хувилбар болох H-6N-ийг БНХАУ байгуулагдсаны 70 жилийн ойн баярын жагсаал дээр анх олон нийтэд харуулсан байна. Энэ онгоц мөн ганц ширхэг DF-21D пуужинг тээж явах зориулалттай аж. DF-21D тэнгисийн цэргийн аварга хөлөг онгоцуудыг устгах зориулалттай, 10.7 метр урт, 600 кг цэнэгт хошуу тээдэг, хоёр шатлалт хатуу түлш бүхий пуужин бөгөөд 500 килотонн хүртэлх хүчин чадалтай цөмийн цэнэгт хошууг 1300 миль зайд тусгах хүчин чадалтай эд юм байна.
“Шинжээчдийн үзэж байгаагаар, Ардын чөлөөлөх армийн мэдэлд одоо дөрвөн ширхэг ийм онгоц байгаа. Эдгээр онгоцууд зэвсэглэлд нэвтэрснээр АНУ-ын Тэнгисийн цэргийн флотын Номхон далайд байрлаж байгаа хөлгүүдэд ноцтой аюул заналхийлэх боллоо” гэж Жозеф Третвик бичжээ.
