2020 оны Европын аварга шалгаруулах тэмцээний Европын урьдчилсан шатны ээлжит тоглолтууд өнгөрсөн шөнө явагдлаа. Энэ тойргийн тоглолтоос Швейцарь, Данийн багууд шигшээ тэмцээнд оролцох эрх авав.

Данийн баг Ирландын талбайд зочлоод 1:1-ээр тэнцэж, Швейцарь Гибралтарыг 6:1-ээр бутниргэн эрхээ авчээ.

Ингэснээр Данийн баг ”В” хэсэгт ОХУ-ын багтай тоглохоор болов. Энэ хоёр баг хоёул гэртээ хоёр, хоёр тоглолт хийхээр болж байна. Сугалаагаар хожсон нь гэртээ гурван ч тоглолт хийх боломжтой. “Евро 2020” тэмцээн Европ тивийн 16 улсын нутаг дамнан зохион байгуулагдаж байгаа бөгөөд шигшээ тоглолт нь Английн Лондон хотноо болох юм.