УИХ 2020 оны төсвийг батлахдаа ОУВС-тай хамтран хэрэгжүүлж буй Өргөтгөсөн санхүүжилтийн хөтөлбөрийнхөө хүрээнд нийгмийн даатгалын шимтгэлийг нэмэгдүүлсэн. Уг шийдвэрт Ерөнхийлөгч хориг тавина гэдгийг Тамгын газрын дарга З.Энхболд хэлсэн. Тэрээр “Нийгмийн даатгалын шимтгэлийг ирэх оны нэгдүгээр сарын 1-нээс хоёр хувиар нэмсэн УИХ-ын шийдвэрт Ерөнхийлөгч хориг тавихаар бэлтгэж байгаа” гэсэн юм.

Гэтэл үүний дараа Сангийн сайд Ч.Хүрэлбаатар "2017 онд батлагдчихсан хэрэгжээд хоёр жил долоон сар болчихсон хуульд хориг тавьж болдоггүйгээ мэдэж байгаа болов уу. Тэгээд хоригоо Цэцэд тайлбарлаж чадах болов уу" хэмээн твиттер хуудастаа бичжээ.